श्रीरामपूर (जि.अहमदनगर): बाभळेश्वरहून श्रीरामपूरकडे येणाऱ्या एका कारने दुसऱ्या गाडीला ओव्हरटेक करताना समोरून येणाऱ्या वाहनाला धडक दिली. यात एक जण जागीच ठार झाला. मयताचे नाव धनराज बाळू संसारे (मनोर,जि.पालघर) असे आहे.
याप्रकरणी सुदेश भाऊसाहेब त्रिभूवन (रा. दत्तनगर, ता. श्रीरामपूर) यांनी पोलिस ठाण्यात फिर्याद दिली आहे. १३ एप्रिलला रात्री पावणे दहा वाजता धनराज संसारे हे त्यांच्या मित्राच्या कारमधून (एमएच ४३ एएल ५३२२) दत्तनगर येथून बाभळेश्वर रस्त्याने जात होते. त्यावेळी खंडाळा गावाजवळील पेट्रोल पंपाजवळ बाभळेश्वरकडून एक गाडी (एमएच १२ एजे ५४९१) भरधाव वेगात आली.
या वाहनाने ओव्हरटेक करत समोरून येणाऱ्या माझे मेहुणे संसारे यांच्या गाडीला जोराची धडक दिली. या अपघातात संसारे हे गंभीर जखमी झाले. नंतर त्यांचा उपचारादरम्यान मृत्यू झाला. याप्रकरणी शहर पोलिसांनी कार चालकाविरुद्ध गुन्हा दाखल केला आहे.