डॉ. सतीश सोनवणे यांच्या पुढाकारातून गावात शनिवारी (दि.४) शंभर टक्के लसीकरणाचे उद्दिष्ट साध्य करण्यासाठी शिबिराचे आयोजन केले होते. कार्यक्रमाच्या अध्यक्षस्थानी जिल्हा आरोग्य अधिकारी डॉ. संदीप सांगळे, मॅककेअरचे संचालक डॉ. प्रशांत पटारे, डॉ. अविनाश जाधव, सरपंच सुनीता पवार, उपसरपंच मच्छींद्र सोनवणे, दत्तात्रय सोनवणे, डॉ. नीलेश उगले, बाबासाहेब सोनवणे, भाऊसाहेब जाधव, सहायक पोलीस निरीक्षक खेडेकर, ग्रामसेविका वाघ यांच्यासह परिसरातील नागरिक उपस्थित होते. शिबिराच्या पहिल्याच दिवशी बाहेरगावी गेलेल्या नागरिकांव्यतिरिक्त सर्वांचे लसीकरण करण्यात आले.
डॉ. सतीश सोनवणे हे अनेक राष्ट्रीय व आंतरराष्ट्रीय स्तरावरील आरोग्य परिषदांमध्ये सहभागी झालेले आहेत. कोरोनाविषयक टास्क फोर्समध्ये काम करून आरोग्य विभागाला मार्गदर्शन करतात. डॉ. सोनवणे यांनी लसीकरणाबाबत जनतेला फक्त आवाहन न करता स्वखर्चाने लसीकरण करण्याचा निर्णय घेत समाजापुढे नवा आदर्श उभा केला आहे. या स्तुत्य उपक्रमाचे कौतुक करताना डॉ. संदीप सांगळे म्हणाले, कोरोनाविरुद्धचा लढा यशस्वी करण्यासाठी प्रत्येक नागरिकाचे लसीकरण होणे गरजेचे आहे. गावातील प्रत्येक नागरिकाच्या लसीकरणासाठी डॉ. सोनवणे यांच्या स्तुत्य उपक्रमाचा आदर्श ठेवत इतरांनीही असे उपक्रम राबविण्याची गरज आहे. डॉ. प्रशांत पटारे यांनी धामोरी खुर्द गावातील ज्या व्यक्तींचे लसीकरण राहिले असेल त्यांनी नगर शहरात मॅककेअर हॉस्पिटलमध्ये येऊन मोफत लस घ्यावी असे आवाहन केले. यावेळी त्र्यंबक सोनवणे, रावसाहेब सोनवणे, रामनाथ सोनवणे, अभय सोनवणे, रामनाथ शिंदे, संदीप सोनवणे, दिनकर गायके, बापूसाहेब जाधव, खंडू पाटील जाधव, सतीश हरिश्चंद्रे, गोरख जाधव, विकास हरिश्चंद्रे, देवराम खेडेकर, भारत पुरी, प्रमोद जाधव आदी उपस्थित होते. (वा.प्र.)
फोटो ०५ लसीकरण
ओळी- धामोरी येथे शिबिरात ग्रामस्थांचे लसीकरण करण्यात आले. यावेळी डॉ. सतीश सोनवणे, डॉ. संदीप सांगळे, डॉ. प्रशांत पटारे आदी.