दुकान फोडून पैसे चोरले
अहमदनगर : नगर-मनमाड रोडवरील एमआयडीसी परिसरात स्टीलचे दुकान फोडून चोरट्यांनी पाच हजार रुपये चोरून नेले. १३ फेब्रुवारी रोजी ही घटना घडली. या प्रकरणी एमआयडीसी पोलीस ठाण्यात पप्पू दिनकर बडे यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. या प्रकरणी पोलीस नाईक दाताळ हे पुढील तपास करीत आहेत.
बंद घराचे कुलूप तोडून पैसे, दागिने चोरले
अहमदनगर : शेवगाव तालुक्यातील भावीनिमगाव येथे चोरट्यांनी बंद घराचे कुलूप तोडून सोन्याचे दागिने व रोख रक्कम असा एकूण ५६ हजार रुपयांचा ऐवज चोरून नेला. रविवारी (दि. १४) ही घटना घडली. या प्रकरणी मनोहर कोंडिबा भापकर यांनी दिलेल्या फिर्यादीवरून शेवगाव पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. या प्रकरणी सहायक फौजदार ताके हे पुढील तपास करीत आहेत.
सराफ दुकानातील दागिने चोरले
अहमदनगर : नेवासा तालुक्यातील निंभारी येथे चोरट्यांनी सोन्याचे दुकान फोडून ७७ हजार रुपयांचे सोने व चांदीचे दागिने चोरून नेले. ही घटना रविवारी (दि. १४) घडली. या प्रकरणी माउली नारायण डहाळे यांनी दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला. या प्रकरणी पोलीस उपनिरीक्षक भाटेवाड हे पुढील तपास करीत आहेत.
सोन्याची चेन चोरली
अहमदनगर : शहरातील गुलमोहर रोडवरील सावली सोसायटी येथील घरातून चोरट्यांनी ४० हजार रुपये किमतीची सोन्याची चेन चोरून नेली. सोमवारी (दि. १५) ही घटना घडली. या प्रकरणी आनंदीबाई काशिनाथ आल्हाट यांनी तोफखाना पोलीस ठाण्यात दिलेल्या फिर्यादीवरून अज्ञात चोरट्यांविरोधात गुन्हा दाखल करण्यात आला आहे. या प्रकरणी पोलीस नाईक मोरे हे पुढील तपास करीत आहेत.