-----
‘स्वयम’ योजनेसाठी अर्ज करण्याचे आवाहन
अहमदनगर : राज्यात विभागीय, जिल्हा स्तर व तालुका स्तरावरील शासकीय वसतिगृहामध्ये प्रवेश न मिळालेल्या अनुसूचित जमातीच्या विद्यार्थ्यांना पंडित दीनदयाळ उपाध्याय स्वयंम योजना कार्यान्वित आहे. सन २०२०-२१ या शैक्षणिक वर्षात जिल्हा स्तरावर इयत्ता बारावीनंतर उच्चशिक्षण घेणाऱ्या सर्व अभ्यासक्रमांच्या विद्यार्थ्यांसाठी, तालुका स्तरावर बारावीनंतर उच्चशिक्षण घेणाऱ्या व दहावीनंतर तंत्रशिक्षण पदविका या अभ्यासक्रमासाठी फक्त केंद्रीभूत प्रवेश प्रक्रियेने महाविद्यालयामध्ये प्रवेश निश्चित झाला आहे. मात्र, अशा शासकीय वसतिगृहात प्रवेश न मिळालेल्या अनुसूचित जमातीच्या विद्यार्थ्यांसाठी पंडित दीनदयाल उपाध्याय स्वयंम योजनेंतर्गत नवीन व नूतनीकरणाच्या विद्यार्थ्यासाठी ऑनलाइन अर्ज प्रक्रिया सुरू करण्यात आलेली आहे, असे प्रकल्प अधिकारी, संतोष ठुबे यांनी पत्रकात म्हटले आहे.