अहमदनगर : भगवान जिव्हेश्वर भक्त सेवा मंडळातर्फे नगर शहरातील पाइपलाइन रोडवरील गावडे मळा येथील मंदिरात भगवान जिव्हेश्वर जयंती साजरी करण्यात आली. कोरोना नियमांचे पालन करीत व मोजक्या सेवेकऱ्यांच्या उपस्थितीत शुक्रवारी हा उत्सव साजरा करण्यात आला. या कार्यक्रमात ह. भ. प. विमल पाठक यांच्यासह महिला भगिनींनी ग्रंथांचे वाचन केले. यावेळी जिव्हेश्वर यांच्या पादुकांचे पूजन नंदकुमार सुपेकर यांनी केले. यावेळी जन्मोत्सव व महिलांनी पाळणा गायन केला. हेमा व श्रीकांत जठार, शांताबाई दळवी यांच्या हस्ते पालखीचे पूजन झाले. आरोग्य शिबिर, पोथीवाचन, पारायण, महाप्रसाद आदी कार्यक्रम झाले. या कार्यक्रमासाठी जिव्हेश्वर भक्त सेवा मंडळाचे सर्व पदाधिकारी, विश्वस्त, सदस्य, महिला मंडळ यांनी सहभाग घेतला.
----------
फोटो- २३ जिव्हेश्वर
नगर शहरातील पाइपलाइन रोड भागात भगवान जिव्हेश्वर यांचा जन्मोत्सव साजरा करण्यात आला. यावेळी महिलांनी पाळणा हलवून हा उत्सव साजरा केला.