.......
लुटारूंनी पैसे लुटले
अहमदनगर : नेवासा तालुक्यातील कात्रड ते सोनई रोडवर मोरे चिंचोरे जवळ लुटारूंनी दोघांना अडवून त्यांना मारहाण करत एक मोबाईल व रोख रक्कम असा एकूण दहा हजार रुपयांचा मुद्देमाल हिसकावून नेला. २६ एप्रिल रोजी ही घटना घडली. याप्रकरणी सोनई पोलीस ठाण्यात बाळासाहेब भानुदास मुंगसे यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी हेड कॉन्स्टेबल लबडे हे पुढील तपास करत आहेत.
........
जिल्हा परिषद शाळेतून टीव्ही चोरला
अहमदनगर : कर्जत तालुक्यातील आंबिजळगाव येथील जिल्हा परिषद शाळेत चोरट्यांनी १२ हजार ५०० रुपयांचा टीव्ही चोरून नेला. २० ते २३ एप्रिल दरम्यान ही घटना घडली. याप्रकरणी कर्जत पोलीस ठाण्यात स्वाती धनंजय फलटणकर यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी पोलीस नाईक भांडवलकर हे पुढील तपास करत आहेत.
...........
वीजपंप चोरला
अहमदनगर : पारनेर तालुक्यातील वाडेगव्हाण येथील शेतातून चोरट्यांनी दहा हजार रुपये किमतीचा वीजपंप चोरून नेला. २५ एप्रिल रोजी ही घटना घडली. याप्रकरणी सुपा पोलीस ठाण्यात विजय दत्तात्रय शेळके यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी पोलीस नाईक शिंदे हे पुढील तपास करत आहेत.
......
मोटारसायकल चोरली
अहमदनगर : नगर तालुक्यातील चांदबिबी महालजवळील रस्त्यावर उभी केलेली मोटारसायकल चोरट्यांनी चोरून नेली. २५ एप्रिल रोजी दुपारी साडेबारा वाजता ही घटना घडली. याप्रकरणी नगर तालुका पोलीस ठाण्यात महादेव दिनकर पाखरे यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी हेड कॉन्स्टेबल शेख हे पुढील तपास करत आहेत.