अण्णा नवथरअहमदनगर: अहमदनगर लोकसभा निवडणुकीत पक्षाच्या उमेदवाराला मताधिक्य देण्याचे स्थानिक नेत्यांनी जाहीर केले खरे, पण प्रत्यक्षात मतांची टक्केवारी वाढविण्यासाठी त्यांना संघर्ष करावा लागत आहे. मागील दोन निवडणुकांमधील मतांची टक्केवारी पाहता या मतदारसंघावर भाजपचा पगड असल्याचे दिसते़ परंतु, मोदी लाट ओसरल्याने स्थानिक नेत्यांची दमछाक होणार आहे़आघाडी व युतीच्या उमेदवारांच्या प्रचारार्थ तालुक्यांना सभांचा धडाका सध्या सुरू आहे़ स्थानिक नेत्यांकडून आपल्या तालुक्यातून निश्चितच मताधिक्य देऊ, असे छातीठोकपणे सांगितले जात आहे़ प्रत्येक मतदारापर्यंत पोहोचणे उमेदवारांना शक्य नाही़ त्यामुळे त्यांची भिस्त आता स्थानिक नेत्यांवरच आहे़ २००९ च्या निवडणुकीत भाजपचे उमेदवार दिलीप गांधी यांनी राष्ट्रवादीचे उमेदवार शिवाजीराव कर्डिले यांचा ४६ हजार ७३१ मतांनी पराभव केला होता़ २०१४ च्या निवडणुकीत मोदी लाट होती़ त्यामुळे गांधी यांच्या मतांची टक्केवारी वाढून त्यांनी राष्ट्रवादीच्या उमेदवाराचा २ लाख ९ हजार मतांनी पराभव केला होता़ २००९ मध्ये गांधी यांना राहुरी आणि पारनेर वगळता शेवगाव- पाथर्डी, नगर शहर, श्रीगोंदा आणि कर्जत-जामखेडमधून काही हजारांचे मताधिक्य मिळालेले होते़ २०१४ मध्ये गांधींना शेवगाव-पाथर्डी वगळता पाच मतदारसंघातून मताधिक्य मिळाले होते़ शेवगाव- पाथर्डीत मोदी लाटेचा परिणाम झाला नाही़ २००९ मध्ये राष्टÑवादीचे उमेदवार कर्डिले यांना राहुरी विधानसभा मतदारसंघातून १४ हजार, तर पारनेरमधून ९०३ चे मताधिक्य मिळालेले होते़ २०१४ मध्ये राष्ट्रवादीचे राजीव राजळे यांनी पाथर्डीतून ११ हजारांचे मताधिक्य घेतले होते़ परंतु, इतर पाच मतदारसंघांनी त्यांना साथ दिली नाही़ त्यामुळे त्यांचा पराभव झाला़ मागील दोन निवडणुकांतील पराभव राष्ट्रवादीच्या चांगलाच जिव्हारी लागला आहे़ त्याचा बदला घेण्यासाठी राष्ट्रवादीने सहा विधानसभा मतदारसंघावर लक्ष केंद्रित केले आहे़ भाजपविरोधी मते मिळविण्यासाठी त्यांचा प्रयत्न आहे़ परंतु, भाजपने काँग्रेसचे डॉ़ सुजय विखे यांचा पक्ष प्रवेश करून त्यांना उमेदवारी दिली आहे़ त्यामुळे कुठल्या मतदारसंघातून कुणाला मताधिक्य राहील, याचा अंदाज बांधणे कठीण आहे. स्थानिक नेत्यांची आपआपल्या उमेदवारांना मताधिक्य देण्यासाठी दमछाक होणार आहे.शिवसेना-भाजप युतीपाथर्डी : आमदार मोनिका राजळेराहुरी : शिवाजीराव कर्डिलेपारनेर : आमदार विजय औटीनगर शहर : माजी आमदार अनिल राठोडश्रीगोंदा : बबनराच पाचपुतेकर्जत - जामखेड : पालकमंत्री राम शिंदेकाँग्रेस-राष्टÑवादी आघाडीशेवगाव: माजी आमदार चंद्रशेखर घुलेराहुरी : प्राजक्त तनपुरेपारनेर : सुजित झावरे, निलेश लंकेनगर शहर : आमदार अरूण जगताप,माजी आमदार दादा कळमकरश्रीगोंदा : आमदार राहुल जगताप,राजेंद्र नागवडेकर्जत : जामखेड- रोहित पवार, मधुकर राळेभात, दत्ता वारे, राजेंद्र गुंड, गुलाब तनपुरे़
विधानसभा मतदारसंघनिहाय मते २०14शेवगाव- पाथर्डीराष्टÑवादी 1,01,543भाजप 89,764मताधिक्य- भाजप 11,779राहुरीराष्ट्रवादी 60,350भाजप 1,01,751मताधिक्य- भाजप 41,701कर्जत-जामखेडभाजप 10,6552राष्ट्रवादी 65,373मताधिक्य- भाजप 41,179
श्रीगोंदाराष्ट्रवादी 55,389भाजप 11,3643मताधिक्य- भाजप 58,254पारनेरभाजप 1,0,3308राष्टÑवादी 61,921मताधिक्य- भाजप 21,087नगर शहरभाजप 89,258राष्टÑवादी 50,993मताधिक्य- भाजप 38,265