वांबोरी चारी टप्पा दोनचा प्रश्न मार्गी लावू

तिसगाव : पाथर्डी तालुक्यातील तिसगाव परिसरातील बारा गावांसाठी महत्त्वपूर्ण ठरणाऱ्या वांबोरी चारी टप्पा दोनचा प्रश्न लवकरच मार्गी लावू, असे आश्वासन राज्यमंत्री प्राजक्त तनपुरे यांनी या परिसरातील शेतकऱ्यांच्या एका शिष्टमंडळाला दिले. प्रश्न लवकर मार्गी लागावा यासाठी पंचायत समितीचे माजी सभापती संभाजी पालवे, सरपंच राजेंद्र पाठक, विलास टेमकर, अशोक टेमकर, तुळशीराम शिंदे यांनी तनपुरे यांची भेट घेतली होती. कोरोनाच्या दुसऱ्या लाटेमुळे वांंबोरी टप्पा दोनचा प्रश्न रखडला. परंतु, पंधरा दिवसांत मंत्रालयात जलसंपदा मंत्री जयंत पाटील यांच्या अध्यक्षतेखाली बैठक बोलावून हा प्रश्न निश्चितपणे निकाली काढू, असे तनपुरे यांनी सांगितले. टप्पा दोनमध्ये सातवड, वैजूबाभळगाव, पवळवाडी, डोंगरवाडी, गितेवाडी, धारवाडी, डमाळवाडी, चिचोंडी, कोल्हार या गावांचा समावेश आहे.