श्रीगोंदा येथील कुकडी कारखान्याचे संस्थापक कुंडलिकराव जगताप यांचे निधन

श्रीगोंदा येथील कुकडी कारखान्याचे संस्थापक, ज्येष्ठ नेते कुंडलिकराव जगताप उर्फ तात्या (वय ७०) यांचे रविवारी सकाळी १०.३० वाजता कोईमतूर यांचे हृदयविकाराच्या धक्क्याने निधन झाले.

अहमदनगर : श्रीगोंदा येथील कुकडी कारखान्याचे संस्थापक, ज्येष्ठ नेते कुंडलिकराव जगताप उर्फ तात्या (वय ७०) यांचे रविवारी सकाळी १०.३० वाजता कोईमतूर यांचे हृदयविकाराच्या धक्क्याने निधन झाले. त्यांच्या पार्थिवावर सोमवारी (दि.१६) सकाळी नऊ वाजता कुकडी कारखाना स्थळावर अंत्यसंस्कार होणार आहेत. श्रीगोंदा-नगर विधानसभा मतदार संघाचे आमदार राहुल जगताप (राष्ट्रवादी काँग्रेस) यांचे ते वडील होते. गेल्या काही दिवसांपासून कोईमतूर येथे जगताप यांच्यावर उपचार सुरू होते. उपचार सुरू असतानाच सकाळी त्यांना हृदयविकाराचा तीव्र झटका आला. त्यातच त्यांची प्राणज्योत मालवली. कुंडलिकराव जगताप हे माजी जिल्हा परिषद सदस्य, श्रीगोदा पंचायत समितीचे माजी सदस्य व जिल्हा सहकारी बँकेचे माजी संचालक होते.