अहमदनगर : इब्टाप्रणित बहुजन मंडळ स्वबळावर प्राथमिक बँकेची निवडणूक लढविणार आहे, अशी माहिती इब्टाप्रणित बहुजन मंडाळाचे जिल्हाध्यक्ष एकनाथ व्यवहारे यांनी दिली.
आयडियल बहुजन टीचर्स असोशिएशन, अहमदनगर व बहुजन मंडळाच्यावतीने जिल्हास्तरावरील पदाधिकारी सहविचार सभा नगर येथे पार पडली. बहुजन मंडळाच्या पुढील उपक्रमाबाबत जिल्ह्याचा आढावा घेण्यात येऊन पुढील उपक्रमांचे नियोजन करण्यात आले. कोरोना काळात लोकांना एकत्र करण्याची अडचण असतानाही केवळ इब्टा संघटनेने बेहिशेबी घड्याळ खर्च घोटाळा, जिल्हास्तर शिक्षक वेबिनार उपक्रम आयोजन, जिल्हास्तर वक्तृत्व, काव्यगायन, निबंध स्पर्धा गुणगौरव पुरस्कार, महिला दिनानिमित्त शिक्षिका पुरस्कार, राहिबाई पोपेरे यांचा जीवनगौरव सन्मान, असे अनेक उपक्रम राबविले, असे राज्य उपाध्यक्ष आबा लोंढे यांनी सांगितले.
यावेळी नवनाथ अडसूळ, जिल्हाध्यक्ष गौतम मिसाळ, सुहास पवार, अशोक नेवसे, अविनाश बोधक आदींनी मनोगत व्यक्त केले. यावेळी भागवत लेंडे, सुहास पवार, रामभाऊ गवळी, अशोक नेवसे, रवींद्र रुपवते, संतोषकुमार शिंदे, संगमनेर अविनाश बोधक, सतीश मुंतोडे, सुनील गायकवाड, जालिंदर राऊत, रवींद्र होले, संजयकुमार लाड, शाम राठोड, विजय चिकने, परमेश्वर रणधरे, उत्तम जगधने, भानुदास तांदळे, संतोष सोनवणे, ज्ञानेश्वर घेगडमल, नंदकुमार पवार, शिवाजी गायकवाड, चंद्रकांत दिवटे, अशोक राऊत, दिलीप खराडे, परिमल बनसोडे, दौलत गोडे आदी उपस्थित होते.