माणिकदौंडी : भारतीय मजदूर संघ, अहमदनगर यांच्या वतीने माणिकदौंडीसह (ता. पाथर्डी) इतर प्राथमिक केंद्रातील परिचारिकांचा कोरोना योद्धा पुरस्काराने सन्मान करण्यात आला.
हा उपक्रम परिचारिका दिनानिमित्त राबविण्यात आला. तालुक्यातील माणिकदौंडी, खरवंडी कासार, पिंपळगाव टप्पा, मिरी, तीसगाव येथील परिचारिकांनी कोरोना काळात कशाचीही पर्वा न करता गेले वर्षभर अविरत रुग्णसेवा केली. त्यांच्या कामाचा सन्मान करण्याच्या हेतूने कोरोना योद्धा म्हणून त्यांचा गौरव करण्यात आला. माणिकदौंडी येथे प्राथमिक आरोग्य केंद्रातील तीन परिचारिकांचा सन्मान करण्यात आला. यावेळी आरोग्यसेवक व भारतीय मजदूर संघाचे जिल्हा कार्यकारी सदस्य सुभाष कुलकर्णी, ज्ञानेश्वर गोसावी, वैद्यकीय अधिकारी अशोक कराळे, वैद्यकीय अधिकारी मनीषा खेडकर यांच्या हस्ते हे सन्मानपत्र देण्यात आले.
---
१२ माणिकदौंडी
माणिकदौंडी येथील आरोग्य केंद्रात परिचारिकांचा सन्मान करताना वैद्यकीय अधिकारी व इतर.