पळवे :
भाजपचे महाराष्ट्र प्रदेशाध्यक्ष चंद्रकांत पाटील यांनी पक्षात संघटनात्मक बदल केले असून भाजप प्रदेश सचिवपदाचा कार्यभार अंबरनाथ शहर भाजपचे ज्येष्ठ नेते तथा पारनेर तालुक्यातील पाडळी रांजणगावचे सुपुत्र गुलाबराव करंजुले यांच्याकडे सोपिवण्यात आला आहे. गुलाबराव करंजुले यांनी भाजप वाढीसाठी अंबरनाथसह ठाणे जिल्ह्यात घेतलेल्या परिश्रमाची दखल घेऊन त्यांची निवड करण्यात आली. केंद्र सरकार देशातील प्रत्येक नागरिकांपर्यंत विकासाची गंगा पोहोचविण्यासाठी प्रयत्नशील आहे. हा विकास सर्वसामान्य नागरिकांपर्यंत पोहोचविण्यासाठी आपण पक्षाच्या पदाचा उपयोग करणार आहोत. तसेच नागरिकांना भाजपची ध्येय धोरणे पटवून देण्याचा प्रयत्न करणार आहे. माझ्यावर विश्वास ठेऊन पक्षाने हे मोठे पद दिले आहे त्या पदाला न्याय देणार, असे गुलाबराव करंजुले यांनी सांगितले.