कोपरगावात राष्ट्रवादी काँग्रेसचा महागाई विरोधात मोर्चा

राष्ट्रवादी काँग्रेसच्या वतीने कोपरगाव शहरात महागाईच्या विरोधात मोर्चा काढण्यात आला.

कोपरगाव : राष्ट्रवादी काँग्रेसच्या वतीने कोपरगाव शहरात महागाईच्या विरोधात मोर्चा काढण्यात आला.युवा नेते आशुतोष काळे यांच्या मार्गदर्शनाखाली वाढत्या महागाईच्या निषेधार्थ आज डॉ.बाबासाहेब आंबडेकर यांच्या पुतळ्यापासून शहरातून बैलगाडी, दुचाकी ढकलत, सायकल, सरकारच्या तिरडी व निषेधाच्या फलकासह कोपरगाव तहसीलवर मोर्चा काढण्यात आला. सर्व सामान्य जनता महागाईने होरपळून निघत असताना सरकार याकडे कानाडोळा करत असल्याचे आरोप राष्ट्रवादीच्या पदाधिका-यांनी यावेळी केला. भाजप सरकारच्या विरोधात घोषणा देत नायब तहसीलदार शिवाजी सुसरे यांना निवेदन देण्यात आले.यावेळी शहरासह तालुक्यातून आलेल्या राष्ट्रवादी कॉग्रेसच्या कार्यकर्त्यांनी वाढती महागाई व भाजप सरकारच्या विरोधात जोरदार भाषणे केली. याप्रसंगी महिला कार्यकर्त्या देखील मोठ्या संखेने उपस्थिती होत्या .