सुप्यात फ्लॅटला आग; ५ लाखांचे नुकसान

अरिहंत अपार्टमेंटमधील फ्लॅटला लागलेल्या आगीत घरातील समानासह रोख रक्कम व इतर साहित्य असे एकूण ५ लाख रुपयांचे नुकसान झाले़

आॅनलाईन लोकमतसुपा (अहमदनगर), दि़ ८ - पारनेर तालुक्यातील सुपा येथील मध्यवस्तीत असणाऱ्या अरिहंत अपार्टमेंटमधील फ्लॅटला लागलेल्या आगीत घरातील समानासह रोख रक्कम व इतर साहित्य असे एकूण ५ लाख रुपयांचे नुकसान झाले़सोनपूर (बिहार) येथील जितेंद्रकुमार व दिपककुमार हे सुपा येथील औद्योगिक वसाहतीतील पेट्रोल पंपावर चार चाकी वाहनांचे स्कॅ्रचेस काढण्याचे काम करतात़ त्यासाठी पॉलिशच्या बाटल्यांचा ते वापर करतात. नेहमीप्रमाणे सोमवारी (दि़ ८) सकाळी ९ वाजण्याच्या सुमारास पंपावर गेले असताना मागे फ्लॅटला अचानक आग लागली़ आग लागल्याचे शेजाऱ्यांच्या लक्षात येताच त्यांनी पोलिसांना कळवले़ बाटल्यामध्ये असणाऱ्या रसायनांमुळे ही आग लागली असावी, असा अंदाज पोलिसांनी व्यक्त केला आहे़ या आगीत घरगुती सामानासह मोबाईल, रोख १० हजार रुपये, प्रत्येकी ७०० रुपये किमतीच्या ४०० पॉलीशच्या बाटल्या भस्मसात झाल्याने एकूण ५ लाखांचे नुकसान झाल्याचे जितेंद्रकुमार यांनी सांगितले.