लोकमत न्यूज नेटवर्कटाकळी ढोकेश्वर : कोरोना लॉकडाऊनचा सर्वसामान्यांना मोठा फटका बसत आहे. पेट्रोल, बँका, विविध कार्यकारी सेवा संस्था यांच्या कार्यालयांच्या वेळेच बंधन असल्यामुळे ग्रामिण भागातील पेट्रोल पंपासह बँका व सेवा संस्थांसोमरही ग्राहकांची झुंबड उडाली आहे. नागरिकांना घरी बसा हे सांगत पोलिस प्रशासनही चांगलेच हतबल झाले आहे. टाकळी ढोकेश्वर(ता.पारनेर)येथील पेट्रोल पंपाची चालू राहण्याची वेळ सकाळी ५ ते सकाळी ९ वाजेपर्यंत आहे. टाकळी ढोकेश्वर हे ३५ ते ४० गावांची बाजारपेठ असल्याने पेट्रोल भरण्यासाठी ग्राहकांना तीस ते ४० किलोमीटर वरून यावे लागते आहे. या पेट्रोल पंपावर सकाळी ७ ते ७:३० वाजण्याच्या दरम्यान अर्धा ते एक किलोमीटर रांगा लागत आहे. दुसरीकडे शासनाने सुरू केलेल्या संजय गांधी व श्रावणबाळ या योजनांच्या माध्यमातून एक हजार रुपये मानधन काढण्यासाठी ग्रामिण भागातील वृध,अपंग,विधवा सह विविध लाभधारक जिल्हा बँकेच्या शाखांपुढे गर्दी करत आहेत. तिसरीकडे शासनाने लॉकडाऊनमुळे गोरगरिबांसाठी स्वस्त धान्य दुकानांमार्फत माणसी ५ किलो धान्य वाटप सुरू केले आहे. यासाठीही लांबच लांब रांगा लागत आहेत. पोलिसांना याचा अतिरीक्त ताण वाढला आहे. नियोजनाअभावी ग्राहकांची झुंबड उडाली आहे.--- लॉकडाऊनमध्ये प्रशासनाची दमछाक...!पारनेर तालुका क्षेत्रफळाच्या दृष्टीने मोठा असल्याने पारनेर तालुक्याचा विचार करता व गुन्हयांचे प्रमाण पाहता पोलिसांवर मोठा ताण पडत आहे. पारनेर तालुक्यातील जनतेने गरज नसताना बाहेर न पडता घरात राहून पोलिसांना सहकार्य करावे असे आवाहन पारनेरचे पोलिस निरीक्षक राजेश गवळी यांनी केले आहे.
फोटो- १८ टाकळी ढोकेश्वर १, १८टाकळी ढोकेश्वर २टाकळी ढोकेश्वर(ता.पारनेर)येथील जिल्हा बँकेच्या शाखेत पैसे काढण्यासाठी ग्राहकांच्या रंग लागल्या असून गर्दीमुळे सोशल डिस्टन्सिंगचा फज्जा उडाल्याचे दिसते आहे. दुसºया छायाचित्रात पेट्रोल पंपावरही लांबच लांब रांगा लागल्या आहेत.