देवदैठण : श्रीगोंदा तालुक्यातील देवदैठण येथील देवेंद्र वेताळ याच्या ‘भय’ या चित्राला राष्ट्रीय चित्रकला स्पर्धेत प्रथम क्रमांक मिळाला आहे.
देवेंद्र हा शासकीय वैद्यकीय महाविद्यालय बारामती येथील प्रथम वर्षाचा विद्यार्थी आहे. बनारस हिंदू विद्यापीठाच्या भारतीय आयुर्विज्ञान शाखेतर्फे या देशव्यापी चित्रकला स्पर्धेचे आयोजन वैद्यकीय तसेच इतर सर्व अभ्यासक्रमांच्या महाविद्यालयीन विद्यार्थ्यांसाठीही करण्यात आले होते. स्पर्धेसाठी त्याने ‘भय’ या विषयावरील चित्र पाठविले होते. चित्राचा विषय, रंगकामातील बारकावे, आधुनिकपणा, चित्राचा प्रभाव, चित्राचे वर्णन या बाबी परीक्षणासाठी विचारात घेण्यात आल्या होत्या. अंतिम फेरीसाठी निवड झालेल्या ४ चित्रांसाठी प्रेक्षकांकडून ऑनलाईन मते मागविण्यात आली. अटीतटीच्या झालेल्या या स्पर्धेत देवेंद्रने ५१ टक्के मते मिळवित विजेतेपद मिळविले.
---
२४ देवदैठण
240521\img-20210524-wa0039.jpg
देवेंद्र वेताळ फोटो . चित्राचा फोटो साऊथ मेलवर