....
हमाल माथाडी कामगारांना लसीकरण
अहमदनगर: शहरातील हमाल पंचायतीच्या वतीने हमाल माथाडी कामगारांसाठी स्वतंत्र लसीकरण केंद्र सुरू करण्यात आले आहे. कृषी उत्पन्न बाजार समिती येथील कार्यालयातील आरोग्य केंद्रात लसीकरण सुरू असून, लस मात्रा वाढवून घेण्यासाठी प्रयत्न सुरू असल्याचे अध्यक्ष अविनाश घुले यांनी सांगितले.
....
कुष्ठधाम रस्त्यांचे डांबरीकरण
अहमदनगर: महापालिकेच्या वतीने कुष्ठधाम ते भिस्तबाग महालापर्यंतच्या रस्त्याचे काम हाती घेण्यात आले आहे. गेल्या वर्षभरापासून हे काम सुरू असून, उशिरा का होईना, या कामाला गती आली असून, मंगळवारी डांबरीकरणाचे काम सुरू करण्यात येणार आहे.
...
महिलांसाठी स्वतंत्र लसीकरण केंद्र सुरू करा
अहमदनगर: शहर व परिसरातील महिलांना कोरोनावरील लस प्राधान्याने उपलब्ध करून द्यावी. तसेच महिलांसाठी स्वतंत्र लसीकरण केद्र सुरू करण्याची मागणी महापालिकेच्या महिला व बालकल्याण समितीच्या सभापती लता शेळके यांनी आयुक्तांकडे निवेदनाद्वारे सोमवारी केली. तसेच प्रभाग १७ मधील नागरिकांसाठी लसीकरण केंद्र सुरू करण्याची मागणी यावेळी करण्यात आली.