लोकमत न्यूज नेटवर्कवडगाव पान (जि. अहमदनगर) : मुलीचे लग्न कृषिदिनी लावून लग्नातील इतर खर्चाला फाटा देत एक हजार वृक्षांचे वाटप करण्याचा आगळा-वेगळा उपक्रम येथील पंचायत समितीच्या माजी पदाधिकाऱ्याने राबविला. नवीन पिढीला पर्यावरण संवर्धन व वृक्ष लागवडीचे महत्त्व पटावे व पर्यावरणाची चळवळ अधिक व्यापक व्हावी, यासाठी मुलीच्या लग्नपत्रिकेवर ‘झाडे लावा, झाडे जगवा’ संदेश वडगावपान पंचायत समितीचे माजी सदस्य अर्जुन काशिद यांनी दिला होता. शाल, फेटे व पाहुण्यांच्या आदर सत्काराला फाटा देत एक हजार हापूस आंब्याचे रोपे पाहुण्यांना देण्यात आली. उर्वरीत पैशांतून एड्सग्रस्त पालकांच्या अनाथ मुलांना वह्या, पुस्तके घेण्यासाठी आर्थिक मदतीचा धनादेश स्वयंप्रेरणा संस्थेला देण्यात आला. आदर-सत्कार पाहून छोटीशी अनाथ मुले भारावून गेली होती.
लग्न समारंभात कृषिदिन साजरा
By admin | Updated: July 3, 2017 04:36 IST