होळी निमित्त घेण्यात आलेल्या या आगळ्या-वेगळ्या उपक्रमासाठी महापौर बाबासाहेब वाकळे, मनपा आयुक्त शंकर गोरे, उपायुक्त यशवंत डांगे, मनपा आरोग्य अधिकारी डॉ.अनिल बोरगे, घर घर लंगर सेवेचे हरजितसिंह वधवा, प्रशांत मुनोत, राहुल बजाज, किशोर मुनोत, राहुल बजाज, मन्नू कुकरेजा, टोनी कुकरेजा, कैलाश नवलानी, सुनील थोरात, गोविंद खुराणा, दलजीतसिंह वधवा, कमलेश गांधी, कोविड सेंटरचे डॉ. प्रदीप कळमकर, योगेश तांबे, सुरेखा माळी, आश्‍विनी खरात, कृष्णकांत घोलप उपस्थित होते.
शंकर गोरे म्हणाले, महापालिकेने घर घर लंगर सेवेच्या सहकार्याने दोन ठिकाणी कोविड सेंटर सुरु केले आहे. २१० रुग्णांची व्यवस्था करण्यात आली आहे. शहरात वाढत्या कोरोना रुग्णांची संख्या लक्षात घेऊन एक ते दोन दिवसात आनंद लॉन व शासकीय पॉलिटेक्निक कॉलेज येथे कोविड सेंटर सुरु करण्यात येणार आहे. अजून काही ठिकाणी कोविड सेंटरसाठी जागेची पाहणी सुरु असून, कोणत्याही कोरोना रुग्णांवर उपचार कमी पडणार नसून याची दक्षता घेतली जाणार आहे. कोरोनाची लक्षणे आढळणाऱ्या रुग्णांनी घरी न थांबता कोविड सेंटरमध्ये उपचारासाठी दाखल व्हावे.
...........
कोरोनाचे केले दहन
संध्याकाळी कोविड सेंटरच्या प्रवेशद्वारात कोरोनाचे प्रतीकात्मक दहनाची होळी पेटविण्यात आली. घर घर लंगर सेवा व महापालिकेच्या वतीने ४ मार्चपासून नटराज हॉटेल येथे सर्वांसाठी तर जैन पितळे वसतीगृहात फक्त महिलांसाठी निशुल्क कोविड सेंटर सुरु करण्यात आले आहे. यामध्ये घर घर लंगर सेवेच्या वतीने सर्व रुग्णांना नाष्टा व दोन वेळच्या जेवणाची सोय करण्यात आली आहे. या उपक्रमास अहमदनगर पोलीस दल व लायन्स क्लबचे सहकार्य लाभत आहे. कोविड सेंटरमध्ये प्ले रुमची देखील व्यवस्था करण्यात येणार असल्याची माहिती वधवा यांनी दिली.