-----------
कारची चोरी
अहमदनगर : गुलमोहररोड येथील एका सोसायटीतून लाॅक केलेली कार चोरी गेल्याची फिर्याद तोफखाना पोलीस ठाण्यात दाखल झाली आहे. राजेंद्रकुमार लुमाजी जासूद (वय ५५, मार्कंडेय सोसायटी, गुलमोहोररोड) यांनी त्यांची कार घराच्या आत लाॅक करून ठेवली होती. १३ जानेवारी रोजी सकाळी ९ ते दुपारी १२ वाजेच्या सुमारास अज्ञात चोरट्याने त्यांची कार (एमएच १६ एटी ३९४१) चोरून नेली.
-----------
एसटीतून बॅगची चोरी
अहमदनगर : नगर-सिद्धटेक-मांडवगणमार्गे जाणाऱ्या एसटी बसमधून महिलेची बॅग चोरी झाली. याबाबत हौसाबाई बाबूराव रासकर (रा. मांडवगण) यांनी फिर्याद दिली. दि. १३ जानेवारी रोजी त्या नगर-मांडवगण एसटीने प्रवास करत असताना त्यांची बॅग रॅकवर ठेवली होती. अज्ञात चोरट्याने ही बॅग चोरून नेली. बॅगमध्ये पाच हजार रुपये रोख, दागिने असा २० हजार रुपयांचा ऐवज होता. त्यांच्या फिर्यादीवरून कोतवाली पोलीस ठाण्यात गुन्हा दाखल करण्यात आला आहे.
----------
दुचाकीची चोरी
अहमदनगर : नगर शहरातील एसबीआय बँकेच्या मुख्य शाखेसमोरून बुधवारी (दि. १३) दुचाकी चोरी झाली. याबाबत कमल अनंत नाथ (वय ४४, जामखेड रोड) यांनी भिंगार पोलीस ठाण्यात फिर्याद दिली आहे. नाथ यांनी त्यांची २० हजार रुपये किमतीची दुचाकी (पीबी ०६ के ८२७९) ही जीपीओ चौकातील एसबीआय बँकेसमोर लावली होती. बुधवारी दुपारी १२ वाजण्याच्या सुमारास अज्ञात चोरट्याने ती चोरून नेली.