शिर्डी : नाशिक-शिर्डी मार्गावर के.के.मिल्क जवळ स्वीप्ट कार व मोटारसायकल यांच्यात समोरासमोर धडक होऊन झालेल्या अपघातात मोटारसायकल नवनाथ चंद्रभान कुसळकर, चांगदेव आहिरे यांचा दुर्दैवी मृत्यू झाला. नाशिक-शिर्डी मार्गावर मंगळवारी सायंकाळी सात वाजण्याच्या सुमारास स्विप्ट कार तसेच मोटारसायकल क्रमांक एम.एच.-१७, ई-७८२१ यांच्यात अपघात झाला. मोटारसायकलवरील नवनाथ कुसळकर व चांगदेव आहिरे हे दोघे जबर जखमी झाले.कुसळकर यांचा साईनाथ सुपर स्पेशालिटी रुग्णालयात तर चांगदेव आहिरे यांचा लोणी येथे उपचारासाठी घेऊन जात असताना मृत्यू झाला.
कार-दुचाकी अपघातात दोघांचा मृत्यू
By लोकमत न्यूज नेटवर्क | Updated: November 1, 2018 14:01 IST