कोपरगाव : जागतिक पर्यावरण दिनानिमित्त गोदावरी खोरे दूध संघ व राष्ट्रीय डेअरी विकास बोर्ड यांच्यावतीने वृक्षारोपणाचा उपक्रम राबविण्यात आला.
दूध संघाचे अध्यक्ष राजेश परजणे व कार्यकारी संचालक चंद्रकांत गाढवे यांच्या मार्गदर्शनाखाली संघाच्या कार्यक्षेत्रातील संवत्सर परिसरात वृक्षारोपणाचा कार्यक्रम पार पडला. लिंब, पिंपळ, चिंच, वड, नारळ व इतर पर्यावरणाला पूरक अशा विविध झाडांची रोपे यावेळी लावण्यात आली. निसर्गाला हानिकारक ठरणारे प्लास्टिक व कचरा गोळा करून त्याची विल्हेवाट लावण्यात आली.
डेअरी विकास बोर्डाचे प्रकल्प समन्वयक डॉ. चंद्रकांत धंदर व त्यांच्या सहकाऱ्यांनी यात सहभाग घेतला. माझी वसुंधरा अभियान यशस्वी होण्यासाठी समाजातील प्रत्येक घटकाने या अभियानामध्ये सहभागी होण्याची नितांत गरज आहे. भविष्यातील नैसर्गिक आपत्ती व पर्जन्यमान विचारात घेता, आज झाडे लावण्याची व त्यांचे संवर्धन करण्याची गरज असल्याचे मत राजेश परजणे यांनी व्यक्त केले.
-------