कोपरगाव : मागील भांडणाच्या कारणातून सात जणांनी मिळून दोघांना शिवीगाळ करून मारहाण केल्याची घटना गुरुवारी ( दि.२१ ) रात्री साडेआठ वाजेच्या सुमारास जेऊर पाटोदा हद्दीतील नागरे पेट्रोल पंपासमोर घडली आहे. या मारहाणीत भाऊसाहेब मोतीराम भाबड (वय ५४ रा. शिक्षक कॉलनी, जेऊर पाटोदा, ता. कोपरगाव) व सलिम युसुफ पठाण (रा.लक्ष्मीनगर, कोपरगाव) हे दोघे जखमी झाले आहेत.
या प्रकरणी भाऊसाहेब भाबड यांच्या फिर्यादीवरून सतीश रमेश केकाण, संकेत सुनील केकाण, किरण रमेश केकाण, संदेश मच्छिंद्र केकाण, सुनील पुंजाजी केकाण, मच्छिंद्र पुंजाजी केकाण, निखिल चंद्रकांत पिंगळे (सर्व रा. जेऊर पाटोदा, ता. कोपरगाव) या सात जणांविरुद्ध कोपरगाव शहर पोलीस ठाण्यात शुक्रवारी (दि.२२) मध्यरात्री गुन्हा दाखल करण्यात आला आहे.