-----------------------------
अहमदनगर महाविद्यालयात वेबिनार
अहमदनगर : कॉमर्स असोसिएशनच्या सहकार्याने अहमदनगर महाविद्यालयाच्या वाणिज्य व संशोधन केंद्राने आंतरराष्ट्रीय महिला दिनानिमित्त ‘मानसिक आरोग्य व भावना व्यवस्थापन’ या विषयावर एक दिवसीय वेबिनार आयोजित करण्यात आले होते. यामध्ये नवी दिल्लीच्या मानसशास्त्रज्ञ डॉ. दिव्य वत्स यांनी यावेळी उपस्थितांना मार्गदर्शन केले. त्या म्हणाल्या, मानसिक-आजारांनी ग्रस्त असलेल्या व्यक्तींच्या संख्येत वाढ झाल्याने सुधारित कृती करण्याची मागणी वाढत आहे. विद्यार्थ्यांनी मानसिक आरोग्याचे महत्त्व आणि त्यांच्या भावना कशा प्रभावीपणे व्यवस्थापित करता येतील याविषयी ज्ञान असणे गरजेचे आहे. विद्यार्थी चिंता, नैराश्य आणि एखाद्याच्या मनावर परिणाम करू शकतील अशा इतर आजारांबद्दल त्यांनी माहिती दिली. प्राचार्य डॉ. आर. जे. बर्नबास यांनी प्रास्ताविक केले. कॉमर्स असोसिएशनचे समन्वयक डॉ. शबनम गुरुंग यांनी स्वागत व परिचय करून दिला. डॉ मौसमी भंडारी यांनी वेबिनारच्या वक्त्यांची ओळख करून दिली. अॅड. स्वाती कटारिया यांनी आभार मानले. यावेळी डॉ. डी. बी. मोरे, डॉ. आर. पी. देशमुख, डॉ. विनय रणनवरे, प्रा. आनंद रायकवाड, डॉ. पी. पी. बोरा, डॉ. नोएल पारगे, प्रा. बी. ई. गौडा, डॉ. एस. एस. खरात आणि प्रा. तुशिता अय्यर विभागातील विद्याशाखा सदस्य उपस्थित होते.
----------------