कंटेनर चालकास मारहाण करून पैसे लुटले
अहमदनगर: नगर-मनमाड रोडवरील खडांबे शिवारात तिघा चोरट्यांनी कंटेनर चालकाला मारहाण करून त्याच्याकडील १६ हजार रुपये चोरून नेले. २५ मार्च रोजी ही घटना घडली. याप्रकरणी राहुरी पोलीस ठाण्यात भरतसिंग नारायणसिंग शिवनारायणसिंग (रा. वडाळा, मुंबई) यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी सहायक निरीक्षक शेळके हे पुढील तपास करत आहेत.
मोटारसायकल चोरली
अहमदनगर: शहरातील वाडियापार्क येथील जिल्हा क्रीडा कार्यालयासमोरून चोरट्याने एक मोटारसायकल चोरून नेली. २३ मार्च रोजी ही घटना घडली. याप्रकरणी अमोल बाळासाहेब पवार यांनी दिलेल्या फिर्यादीवरून चोरट्याविरोधात गुन्हा दाखल करण्यात आला आहे. याप्रकरणी पोलीस नाईक गाडगे हे पुढील तपास करत आहेत.
वीज रोहित्राची वायर चोरली
अहमदनगर: पाथर्डी तालुक्यातील तनपुरवाडी येथून चोरट्यांनी वीज रोहित्राची १५ हजार रुपये किमतीची कॉपर वायर चोरून नेली. २४ ते २५ मार्च दरम्यान ही घटना घडली. याप्रकरणी मयूर रमेश जाधव यांनी दिलेल्या फिर्यादीवरून चोरट्याविरोधात गुन्हा दाखल करण्यात आला आहे. याप्रकरणी सहायक फौजदार गोल्हार हे पुढील तपास करत आहेत.
घरफोडी करून दागिने चोरले
अहमदनगर: संगमनेर तालुक्यातील खांडगाव येथे चोरट्यांनी घरफोडी करून ३७ हजार रुपयांचे दागिने चोरून नेले. २२ ते २५ मार्च दरम्यान ही घटना घडली. याप्रकरणी संगमनेर शहर पोलीस ठाण्यात संतोष वसंत लष्करे यांनी दिलेल्या फिर्यादीवरून चोरट्यांविरोधात गुन्हा दाखल करण्यात आला आहे. याप्रकरणी पोलीस नाईक पवार हे पुढील तपास करत आहेत.