कोपरगावात कोरोनाचे नियम मोडल्यास कारवाई

नागरिकांनी सार्वजनिक ठिकाणी, कामाच्या ठिकाणी, प्रवासादरम्यान कायमस्वरूपी मास्क वापरावा. तसेच बँकेत, हॉटेलमध्ये शारीरिक अंतर पाळावे. सार्वजनिक ठिकाणी मद्यपान, तंबाखू खाणे व थुंकणे टाळावे. वैद्यकीय कामासाठी आपल्या तालुक्यातील डॉक्टरांना संपर्क साधावा, आवश्यकता असेल तरच घराबाहेर पडावे. ज्येष्ठ नागरिक व लहान मुलांनी घराबाहेर पडून नये. दुचाकीवर दोनपेक्षा जास्त व्यक्तींनी प्रवास करू नये. आस्थापनांमध्ये अनियमितता आढळून आल्यास कारवाई करीत लॉकडाऊन संपेपर्यंत सील करण्यात येईल. दर १५ दिवसाला दुकान मालक व कामगार यांची आरटीपीसीआर चाचणी करणे, अहवाल बाधित आल्यास १५ दिवस बंद ठेवण्यात येईल. विवाह सोहळा व अंत्यविधीसाठी ठरवून दिलेली व्यक्ती संख्येची मर्यादा पाळावी. एखादी व्यक्ती वरील सर्व नियमांचा भंग करीत असल्याचे आढळून आल्यास संबंधित व्यक्तीवर दंडात्मक व फौजदारी कारवाई करण्यात येईल, असे आदेशात म्हटले आहे.