भर रस्त्यात उभ्या कारने घेतला पेट

उन्हाच्या तडाख्यामुळे उभी असलेल्या कारने अचानक पेट घेतल्याची घटना कोपरगाव शहरातील इंदिरा पथ रस्त्यावर आज दुपारच्या सुमारास घडली.

कोपरगाव : उन्हाच्या तडाख्यामुळे उभी असलेल्या कारने अचानक पेट घेतल्याची घटना कोपरगाव शहरातील इंदिरा पथ रस्त्यावर आज दुपारच्या सुमारास घडली.या घटनेमुळे परिसरात घबराटीचे वातावरण पसरले होते.शहरातील इंदिरा पथ येथील एका हॉस्पिटल मध्ये गंगापूर येथील अनुराग पाटील परिवारासह या कार मध्ये आले होते. सदरची गाडी एलपीजी गॅस वर असल्याने उन्हाच्या तीव्रतेमुळे कारने पेट घेतला कार मधे गॅस सिलेंडर असल्याने परिसरातील नागरिक भयभीत झाले होते.परंतु कोपरगाव नगरपालिकेच्या अग्निशमन दलाने घटनास्थळी वेळीच पोहोचून आगीवर नियंत्रण मिळवल्याने मोठा अनर्थ टळला आहे.