अहमदनगर : जिल्ह्यात शुक्रवारी (२४ जुलै) ५३ कोरोनाबाधित रुग्ण बरे होऊन घरी परतले. त्यामुळे जिल्ह्यात बरे झालेल्या रुग्णांची संख्या आता १४३६ इतकी झाली आहे. दरम्यान, गुरुवारी सायंकाळपासून शुक्रवारी सकाळी ११ वाजेपर्यंत रुग्ण संख्येत चारने वाढ झाली आहे.
जिल्ह्यात उपचार सुरू असलेल्या रुग्णांची संख्या आता १२८७ इतकी झाली आहे. एकूण रुग्ण संख्या २७७५ इतकी झाली आहे. शुक्रवारी बाधित आढळून आलेल्या रुग्णामध्ये संगमनेर तालुक्यातील घुलेवाडी १, जोर्वे १, शहरातील अभंग मळा १, अशोक चौक येथील एका रुग्णाचा समावेश आहे, असे जिल्हा सामान्य रुग्णालयाचे नोडल अधिकारी डॉ. बापूसाहेब गाढे यांनी सांगितले.