नेवासा :तालुक्यातील गोधेगाव येथे विषारी गवताच्या मुळ्या खाल्ल्याने शेळ्या-मेंढ्यांच्या मृत्यूचा आकडा ४६ वर गेला आहे. नदीचे पाणी कमी झाल्यामुळे परिसरातील मेंढपाळांनी मेंढ्यांना नदीपात्रात उगवलेल्या गवतावर चरण्यासाठी सोडले होते.हे गवत खाल्ल्यानंतर एक-एक करत अनेक मेंढ्यांनी माना टाकल्या. मेंढ्यांच्या तोंडातून फेस येत होता. अनेक अत्यव्यस्थ झाल्या होत्या. यात काल २० मेंढ्या व ५ शेळ्या दगावल्या होत्या. आजही परिस्थिती अशीच असून अनेक मेंढ्या सकाळी दगावल्या आहेत. यामध्ये मोठ्या प्रमाणात नुकसान झाले आहे. त्यामुळे घटनास्थळी पाहणी करण्यासाठी आज दुपारी नगरहून पशुवैद्यकीय अधिका-यांचे पथक येणार असल्याची माहिती देण्यात आली.आज सकाळी पंचायत समितीच्या माजी सभापती सुनीता गडाख यांनी भेट देत पाहणी केली. काल (दि.१८) मंगळवारी २० मेंढ्या व ५ शेळ्या दगावल्या होत्या. आज (दि.१९) पुन्हा २१ मेंढ्या दगावल्याने मृत मेंढ्यांची संख्या ४१ तर शेळ्यांची संख्या ५ वर गेली आहे.
विषारी गवत खाल्ल्याने ४६ शेळ््या-मेढ्यांचा मृत्यू
By लोकमत न्यूज नेटवर्क | Updated: June 19, 2019 15:58 IST