अहमदनगर : कोरोना रुग्णांची संख्या वाढत असल्याने महापालिकेची आरोग्य यंत्रणा सक्षम करण्यासाठी सभागृहनेते रवींद्र बारस्कर यांनी त्यांच्या शहर विकास निधीतील १० लाख रुपये दिले आहेत.
महापालिकेचे सभागृहनेते रवींद्र बारस्कर यांनी आयुक्त शंकर गोरे यांची भेट घेऊन निवेदन दिले. यावेळी दिलेल्या निवेदनात म्हटले आहे की, शहरात कोरोनाचा प्रादुर्भाव मोठ्या प्रमाणात वाढत आहे. महापालिकेच्या आरोग्य विभागाकडून उपाययोजना सुरू आहेत. कोरोना रुग्णांना आवश्यक असलेली यंत्रसामुग्री, औषधे आदी उपाययोजनांसाठी निधीची आवश्यकता आहे. कोरोनाचा प्रादुर्भाव पाहता नागरिकांच्या आरोग्याच्या दृष्टीने फक्त कोविड रुग्णांसाठी या निधीचा वापर करावा, अशी सूचना यावेळी केली. याप्रसंगी सावेडी भाजपा मंडल अध्यक्ष सतीश शिंदे, अमित गटणे, बाबासाहेब भिंगारदिवे आदी उपस्थित होते.
..
सूचना फोटो आहे.