अपघातात १ ठार, पाच जखमी

वाळू वाहतूक करणारा डंपर व इंडिगो यांच्यात समोरासमोर धडक होऊन झालेल्या भीषण अपघातात एक जण जागीच ठार तर पाच जण जखमी झाले.

आॅनलाईन लोकमतभेंडा, दि़ ३० - वाळू वाहतूक करणारा डंपर व इंडिगो यांच्यात समोरासमोर धडक होऊन झालेल्या भीषण अपघातात एक जण जागीच ठार तर पाच जण जखमी झाले. जखमींवर नगरच्या रुग्णालयात उपचार करण्यात आले़ नेवासा-शेवगाव राजमार्ग क्रमांक ५० वरील कुकाण्यापासून दोन किलोमीटर अंतरावर सोमवारी रात्री उशीरा हा अपघात घडला. नेवासा तालुक्यातील भेंडा येथून चिलेखनवाडीेच्या दिशेने इंडिगो जात होती तर वाळू वाहतूक करणारा डंपर विरुध्द दिशेने येत होता. एका वाहनाला हुलकावणी देण्याच्या प्रयत्नात डंपर इंडिगोवर धडकला. ही धडक इतकी भीषण होती की इंडिगो कार चालक अक्षय शाम दळवी (वय २५, रा. चिलेखनाडी, ता. नेवासा) हा जागीच ठार झाला. तर पाच जण गंभीर जखमी झाले. यामध्ये साईनाथ आरले (वय २०, रा. चिलेखनवाडी), विक्रम दीपक ओहळ (वय ४०, रा. मनमाड) भारत धनवटे (वय १८), सोनू गुंजाळ (वय १८), विनोद बर्डे (वय १६, रा. चिलेखनवाडी, ता. नेवासा) यांचा समावेश आहे. स्थानिक नागरिकांच्या मदतीने कारमधील अक्षय दळवी या चालकाचा मृतदेह कारमधून बाहेर काढण्यात आला. तर जखमींना रुग्णवाहिकेतून नगरला उपचारासाठी हलविले.