शिवतेज पुरस्कार वितरण सोहळा

येथील शिवतेज संस्था आणि अ‍ॅड़ मिनाक्षीदेवी साईराम फाऊंडेशनच्या संयुक्त विद्यमाने जळगाव (जामोद) येथील सामाजिक कार्यकर्त्या

दिग्रस येथे आयोजन : अनिता जयस्वाल पुरस्काराच्या मानकरीदिग्रस : येथील शिवतेज संस्था आणि अ‍ॅड़ मिनाक्षीदेवी साईराम फाऊंडेशनच्या संयुक्त विद्यमाने जळगाव (जामोद) येथील सामाजिक कार्यकर्त्या माजी नगराध्यक्ष अनिता जयस्वाल यांना शिवतेज पुरस्कार प्रदान करण्यात आला. अध्यक्षस्थानी माजी न्यायाधीश डॉ. संतोष जयस्वाल होते. प्रमुख पाहुणे म्हणून दिग्रसच्या नगराध्यक्ष सदफजहाँ मो. जावेद, अ‍ॅड़ विजयकुमार शिंदे, प्राचार्य डॉ. संतोष आगारकर, जावेद पटेल उपस्थित होते. अ‍ॅड़ मिनाक्षीदेवी जयस्वाल यांच्या कार्याचा गौरव म्हणून बुटले महाविद्यालयाच्या सभागृहाला नाव देण्यात येईल, असे संस्थेचे अध्यक्ष विजय बंग यांनी सांगितले. तर विविध सामाजिक उपक्रम राबविण्यात येणार असल्याचे डॉ. संतोष जयस्वाल यांनी सांगितले. प्रास्ताविक शिवतेज संस्थेचे अध्यक्ष संतोष झाडे यांनी, संचालन प्रा. डॉ. अर्पणा पाटील यांनी तर आभार श्याम लोखंडे यांनी मानले. यावेळी डॉ. आसेकर, डॉ. अशोक नालमवार, गोविंदराव पवार, रमाकांत गाडे, चंदा जयस्वाल, डॉ. तेजस जयस्वाल उपस्थित होते. (प्रतिनिधी)