श्रीरामपूर येथे छत्रपती संभाजी महाराज जयंती साजरी

पुसद : धर्मवीर छत्रपती संभाजी महाराज यांची ३६४ वी जयंती येथील छत्रपती संभाजी महाराज चौकात शुक्रवारी मोठ्या उत्साहात साजरी करण्यात आली.

येथील परभणी मार्गावरील गुणवंतराव देशमुख शाळा रोड दरम्यान असलेल्या छत्रपती संभाजी राजे चौकात संभाजी राजांच्या प्रतिमेला माल्यार्पण करुन अभिवादन करण्यात आले. प्रमुख पाहुणे म्हणून सरपंच आशिष काळबांडे, मराठा मित्र मंडळाचे अध्यक्ष तथा ग्रामपंचायत सदस्य सचिन भिताडे, मराठा सेवा संघाचे तालुकाध्यक्ष प्रभाकर पाटील टेटर, संवेदना सोशल फाउंडेशनचे अध्यक्ष किरण देशमुख सवनेकर, सचिव शशिकांत जामगडे, बाळासाहेब खरात, वीर भगतसिंग कक्षाचे सुधाकर सरकचौरे, ग्रामपंचायत सदस्य जलील बागवान, यशवंत देशमुख यांच्यासह शंभू प्रेमी उपस्थित होते.

उपस्थितांनी संभाजी राजांच्या प्रतिमेचे पूजन करुन ‘जय जिजाऊ, जय शिवराय’चा जयघोष केला.

मराठा मित्र मंडळाने पुढाकार घेऊन सामाजिक अंतर राखून सदर कार्यक्रमाचे आयोजन केले. यावेळी माजी सरपंच निळकंठ मोरे, कवडीपूर ग्रामपंचायतचे सदस्य संजय वानखेडे, डाॅ. समीर कदम, हरिभाऊ ठाकरे, हरगोविंद कदम, शाहिद मिर्झा, प्रतापराव पतंगे, साकीब खान, सय्यद मुदोस्सीर, प्रवेश टाकरस, तहेसीन पहेलवान, रामभाऊ रोगे, शिवाजी पवार, शिवाजी कदम, विशाल पवार, मराठा सेवा संघ व संभाजी ब्रिगेडच्या कार्यकर्त्यांसह शंभू प्रेमी उपस्थित होते. यशस्वितेसाठी अविनाश कदम, विकास चव्हाण, नितीन कदम, अजिंक्य देशमुख आदींनी परिश्रम घेतले.