..................
आरटीओ कार्यालयातील नोंदी काय सांगतात?
१५वर्षांपेक्षा जास्त जुनी खासगी वाहने - ७३०
१०वर्षांपेक्षा जास्त जुनी व्यावसायिक वाहने - २६८
.............
गाडी चांगली असल्यास मिळणार फिटनेस सर्टिफिकेट
रस्त्यावर धावणारे वाहन हे सुस्थितीत असल्यास सुरुवातीपासूनच उपप्रादेशिक परिवहन अधिकारी कार्यालयाकडून वाहनाचे फिटनेस सर्टिफिकेट दिले जाणार आहे. ते पाच वर्षांसाठी असेल. यासह कमाल तीनवेळा मिळेल, अशी तरतूद नव्या कायद्यात करण्यात आली आहे.
.................
भंगारात दिल्यास मिळणार १५ टक्के लाभ
वाशिम जिल्ह्याची लोकसंख्या जेमतेम १३ लाखांच्या आसपास असून जिल्ह्यात वाहनांचीही संख्या मर्यादित स्वरूपात आहे. त्यामुळे फारशी वाहने भंगारात निघणार नाहीत. जी वाहने तुलनेने बरीच जुनी झाली, ती भंगारात दिल्यास १५ टक्के लाभदेखील दिला जाणार आहे. त्यानुसार, जिल्ह्यात साधारणत: १० ‘स्क्रॅप सेंटर’ सुरू केले जाणार आहेत.
.................
भंगारातील ५०० वाहने धावतात रस्त्यावर
जिल्ह्यात १५ वर्षांपेक्षा अधिक काळ झालेली सुमारे ५०० वाहने आताही रस्त्यावर धावत आहेत. त्यातील बहुतांश वाहनांची नोंदणीदेखील नाही. यामुळे ती जप्त करून भंगारात काढण्याचे मोठे आव्हान उपप्रादेशिक परिवहन अधिकारी कार्यालयास पेलावे लागणार आहे.
......................
कोट :
गतवेळच्या केंद्रीय अर्थसंकल्पात ‘स्क्रॅप पॉलिसी’ लागू करण्याचा निर्णय झाला. त्याची वाशिम जिल्ह्यातही अंमलबजावणी सुरू करण्यात आली आहे. आतापर्यंत अशा प्रकारातील १० वाहने भंगारात काढण्यात आली आहेत. यापुढील काळात या कामास गती दिली जाणार आहे.
- ज्ञानेश्वर हिरडे, उपप्रादेशिक परिवहन अधिकारी, वाशिम