ग्रामीण भागांत पोलिसांची संख्या अपुरी
वाशिम: जिल्ह्यातील मोठ्या ग्रामपंचायती असलेल्या क्षेत्रात पोलीस स्टेशन कार्यरत आहेत. त्यात धनज बु., शिरपूर जैन, आसेगाव बाजार, कामरगाव, जऊळका आदींचा समावेश आहे. या सर्व ठाण्यांतर्गत येणारी गावे आणि लोकसंख्येचा विचार करता जनतेच्या सुरक्षेसाठी आवश्यक संख्येत पोलीस कर्मचारी नाहीत. त्यामुळे कार्यरत पोलीस कर्मचाऱ्यांवर कायदा-सुव्यवस्था अबाधित राखताना ताण येत आहे.
०००००००००००००
नदीवरील बंधाऱ्याची दुरवस्था
वाशिम : मंगरुळपीर आणि मानोरा तालुक्यासह वाशिम तालुक्यातील काही नद्यांवर उभारलेल्या बंधाऱ्यांची दुरवस्था झाल्याने या नदीपात्रात पाणी थांबत नाही. त्यामुळे शेतकऱ्यांना त्याचा काहीच लाभ होत नसल्याने या बंधाऱ्यांची दुरुस्ती करण्याची मागणी शेतकरी करीत आहेत.
०००००००००००००००००
आरोग्य केंद्राकडून ग्रामस्थांना मार्गदर्शन
वाशिम : आरोग्य पोषण व समुपदेशन कार्यक्रमांतर्गत वाशिम तालुक्यातील प्राथमिक आरोग्य उपकेंद्राच्या वतीने कोरोना संसर्गाच्या पृष्ठभूमीवर गुरुवारी गर्भवती व स्तनदा मातांसह ग्रामस्थांना आरोग्य विषयक मार्गदर्शन करण्यात आले.