----------------
फिरत्या वाहनातून जनजागृती
इंझोरी: परिसरात वाढत असलेला कोरोना संसर्ग आणि जिल्हाधिकाऱ्यांनी लागू केलेल्या संचारबंदीबाबत प्रशासनाकडून फिरत्या वाहनाच्या आधारे जनजागृती करण्यात येत आहे. शनिवारी ५ गावांत ही मोहीम राबविण्यात आली.
----------------
कारंजा-मानोरा रस्त्याचे काम थांबले
दापुरा: गेल्या आठवडाभरापासून कारंजा-मानोरा रस्त्याचे काम थांबले आहे. तांत्रिक कारणामुळे या महामार्गाच्या कामांत वारंवार अडथळा येत असल्याने काम पूर्ण होण्यास विलंब लागत असून, चालकांना त्रास होत आहे.
------------
उंबर्डा येथे घरोघरी आरोग्य तपासणी
उंबर्डा बाजार: कारंजा तालुक्यातील उंबर्डा बाजार येथे गत दोन दिवसांत ४ जण कोरोनाबाधित असल्याचे निदान झाले. त्यामुळे आरोग्य विभाग सतर्क झाला असून, गावात घरोघरी फिरून आरोग्य तपासणी सुरू केली आहे.
----------------
कामरगावात २१ बाधित
कामरगाव: गावात कोरोना संसर्ग दिवसेंदिवस वाढतच असून, रविवारी आरोग्य विभागाकडून प्राप्त अहवालानुसार गावातील आणखी २१ व्यक्ती कोरोनाबाधित असल्याचे निदान झाले आहे.