महागाव येथे दोन गटात हाणामारी!

रिसोड तालुक्यातील घटना; शेतीचा वादात गावठी कट्टय़ाचा वापर करण्यात आला.

रिसोड(जि. वाशिम), दि. १- भावकीमध्ये शेतीच्या वादावरून झालेल्या भांडणादरम्यान हाणामारी झाली. तालुक्यातील महागाव येथे ३0 सप्टेंबर रोजी घडलेल्या या घटनेत परस्पराविरोधी तक्रारींवरून पोलिसांनी गुन्हय़ांची नोंद केली. याबाबत पंकज भास्कर तेजनकर यांनी पोलिसांत दाखल केलेल्या फिर्यादीत नमूद केले आहे, की शेतीच्या जुन्या वादावरून फवारणी करतेवेळी आरोपींनी कुर्‍हाडीने मारहाण करून जखमी केले. या घटनेमध्ये गावठी कट्टय़ाचाही वापर झाल्याची नोंद आहे. त्यावरून भागवत तेजनकर, शिवाजी तेजनकर व शहाजी तेजनकरविरुद्ध कलम ३२४, ३२३, ५0४, ३४ अन्वये गुन्हा दाखल करण्यात आला. तसेच गावठी कट्टा आढळल्याने कलम ३,२५ आर्य अँक्टनुसार गुन्हा दाखल झाला. दुसर्‍या गटातर्फे शिवाजी तेजनकर यांनी फिर्याद नोंदविली, की शेतामध्ये फवारणी करीत असताना आरोपींनी मनाई केली व विळ्याने मारहाण करून जखमी केले. त्यांच्या फिर्यादीवरून पोलिसांनी भास्कर तेजनकर, पंकज तेजनकर, गजानन तेजनकर व चंद्रकला तेजनकर यांच्याविरुद्ध कलम ३२४, ५0४, ५0६ भादंवि अन्वये गुन्हा दाखल केला. घटनेचा पुढील तपास रिसोड पोलीस स्टेशनचे गेडाम करीत आहेत.