ट्रकने युवकाला चिरडले

शेलूबाजार येथील घटना.

मंगरूळपीर (वाशिम) : शेलूबाजार येथील आठवडी बाजारातून बाजार करून मोटारसायकलने आपल्या गावी परत जाणार्‍या ग्राम माळशेलू येथील २२ वर्षीय ङ्म्रीकृष्ण प्रकाश पाखरे या युवकाला ट्रकने कट मारून धडक दिली त्यात सदर युवक ट्रकच्या मागच्या टायरखाली येऊन जागीच ठार झाल्याची घटना अकोला रोडवरील येडशी फाट्यानजीक दुपारी २.३0 वाजताच्या सुमारास घडली. घटनेनंतर ट्रकचालक फरार झाल्याची माहिती आहे. पोलिसांकडून मिळालेल्या माहितीनुसार माळशेलू येथील प्रकाश हिरामण पाखरे यांनी फिर्याद दिली की, शेलूबाजारकडून अकोल्याला जाणार्‍या ट्रक क्रमांक एम.एच.२६ एच ५११0 च्या चालकाने ङ्म्रीकृष्ण पाखरे यांच्या एम.एच.३७ ६५१६ या मोटारसायकलला कट मारला असता तो ट्रकच्या मागच्या टायरखाली येऊन जागेवरच गतप्राण झाला. प्रकाश पाखरे यांच्या फिर्यादीवरून सदर ट्रक चालकाविरूद्ध अपराध क्र.१६/१५ कलम २७९/३0४ अ १८६ एमयू अँक्ट नुसार गुन्हा दाखल करण्यात आला असून ट्रकचा चालक फरार असल्याची माहिती आहे.