-----------------
मोबाइल जंक्शनचे थाटात उद्घाटन
वाशिम : स्थानिक अकोला नाका चरखा कॉम्प्लेक्स येथे मोबाइल जंक्शन सेंटरचे आमदार राजेंद्र पाटणी यांच्या हस्ते शुक्रवारी थाटात उद्घाटन पार पडले. या प्रसंगी आमदार लखन मलिक व माजी आमदार पुरुषोत्तम राजगुरू यांची प्रमुख उपस्थिती होती. मोबाइल जंक्शन येथे विविध नामांकित कंपन्यांचे मोबाइल फोन व यासाठी लागणारी ॲसेसरिज ग्राहकांसाठी उपलब्ध करण्यात आली आहे. डॉ. दिलीपराव सरनाईक यांचे सुपुत्र राम सरनाईक यांच्या नवीन प्रतिष्ठानला अनेक मान्यवरांनी भेट देऊन त्यांना शुभेच्छा दिल्या. कार्यक्रमाच्या यशस्वितेसाठी गणेश गुलाबराव सरनाईक, अनिल पंढरीराव सरनाईक, अमोल दिलीपराव सरनाईक, सुरेखा अमोल सरनाईक, राम दिलीपराव सरनाईक, श्याम पंढरीराव सरनाईक यांनी परिश्रम घेतले. (वा.प्र.)
------------------------
चापे सोनोग्राफी सेंटरचा आज शुभारंभ
मालेगाव : येथे काटेकर कॉम्प्लेक्स येथे दुपारी १ वाजता चापे सोनोग्राफी व कलर डॉप्लर एक्स रे सेंटरचा आज शुभारंभ होत आहे. मालेगावकरांना या सेंटरमुळे विविध प्रकारच्या सोनोग्राफीच्या सुविधा गावातच प्राप्त होणार आहेत. या उद्घाटन कार्यक्रमाचे प्रमुख अतिथी आमदार अमित झनक हे राहणार असून, प्रमुख उपस्थिती सर्व डॉक्टरर्स असोसिएशनचे सर्व सदस्य उपस्थित राहणार आहे. या कार्यक्रमास बहुसंख्येने उपस्थित राहण्याचे आवाहन डॉ. सचिन चापे यांनी केले आहे. (वा प्र)