शिरपूरजैन (वाशिम) : रिसोडहून गिट्टी घेवून येणाऱ्या भरधाव ट्रॅक्टरने केशवनगर या गावानजिक दुचाकीस जबर धडक दिली. यात दुचाकीस्वार जागीच ठार झाला; तर अन्य एकजण जखमी झाला. ही घटना रविवारी सकाळी ९ वाजताच्या सुमारास घडली.दापुरी येथील शालीकराम शेषराव जाधव (वय २५ वर्षे) हे आपल्या भावाचा मुलगा कर्तव्य शंकर जाधव (वय ७ वर्षे) यास घेवून केशवनगर येथे जात होते. दरम्यान, रिसोडहून गिट्टी घेवून येणाऱ्या ट्रॅक्टरने (क्रमांक एमएच ३७ २०७१) दुचाकीस जबर धडक दिली. यात शालिकराम जाधव हे गंभीर जखमी झाले; तर कर्तव्यचा पाय तुटून बाजूला पडला. उपचारासाठी नेत असताना शालिकराम जाधव यांचा मृत्यू झाला.
ट्रॅक्टरची दुचाकीला धडक; एक ठार!
By admin | Updated: May 14, 2017 14:03 IST