तहसीलदाराचा हृदयविकाराने मृत्यू

मृतदेह कारंजा येथे रवाना

जळगाव जामोद : जळगाव जामोद तहसीलचे विद्यमान तहसीलदार बी. एन. चव्हाण यांचे ६ जानेवारी रोजी हृदयविकाराच्या झटक्याने निधन झाले. ५ जानेवारीपासून ते आजारी होते, तर आज ६ रोजी सकाळी त्यांच्या छातीत दुखत असल्याच्या कारणावरून त्यांना स्थानिक डॉ. जाधव यांच्या हॉस्पिटलमध्ये नेण्यात आले तर डॉक्टरांनी त्यांना पुढील उपचारासाठी खामगाव येथे हलविण्याचा सल्ला देण्यात आला. त्यानंतर खामगाव येथील डॉ. आशीष अग्रवाल यांच्या रुग्णालयात आणले असता उपचारादरम्यान त्यांची प्राणज्योत मावळली. यानंतर बी.एन. चव्हाण यांचा मृतदेह त्यांच्या मूळ गाव वाशिम जिल्हय़ातील कारंजा येथे पाठविण्यात आला. मृत्यूसमयी त्यांचे वय अंदाजे ५३ वर्षांंचे होते. त्यांच्या पश्‍चात पत्नी, २ मुले असा आप्त परिवार आहे. त्यांच्या पार्थिवावर ७ जानेवारी रोजी सकाळी ९ वा. अंतिम संस्कार त्यांच्या मूळगावी वाशिम जिल्हय़ात कारंजा येथे करण्यात येतील. जळगाव येथे गेल्या ८ महिन्यांपासून ते तहसीलदार पदावर कार्यरत होते.