रिसोड नगर परिषदेमध्ये नव्याने रुजू झालेले मुख्याधिकारी यांनी रिसोड कर विभागात जाऊन थकीत असलेल्या रकमेची पाहणी केली असता मोठ्या प्रमाणात वसुली प्रलंबित असल्याचे दिसून आले. यावरून त्यांनी रिसोड शहरातील नागरिकांकडे असलेल्या थकीत रकमेचा त्वरित भरणा करून नगरपरिषदेला सहकार्य करण्याचे आवाहन केले आहे. ज्या घर मालकाकडे थकीत कर बाकी आहे त्यांनी आपला कर लवकरात लवकर भरा अन्यथा थकीत असलेल्या करधारकांची यादी रिसोड शहरातील मुख्य रस्त्यावरून ध्वनिप्रक्षेपणाद्वारे घोषित करण्यात येईल.
तसेच शहरातील नळधारकाकडे पाणीपट्टी थकीत असेल त्यांना तीन दिवसांची मुदत देण्यात येईल जर मुदत देऊन सुद्धा पाणीपट्टी भरली नाही तर त्यांचे नळ कनेक्शन बंद करण्यात येईल.
नागरिकांनी त्वरित थकीत रक्कम भरुन सहकार्य करण्याचे आवाहन नगरपरिषदेतर्फे करण्यात आले आहे.
तसेच नागरिकांना कर भरणाविषयी काही अडचणी असल्यास नगरपरिषद कर निरीक्षक अजिज अली यांच्याशी संपर्क साधण्याचे आवाहन करण्यात आले आहे.
(तालुका प्रतिनिधी)