बसवेश्वर चौकाच्या प्रलंबित सौंदर्यीकरणासंदर्भात चर्चा करण्यासाठी १२ ऑगस्ट रोजी स्थानिक संकटमोचन हनुमान मंदिरात शिवा संघटनेची तातडीची सभा घेण्यात आली. या सभेला शिवा संघटनेचे माजी जिल्हाध्यक्ष दिलीपआप्पा काष्टे, विद्यमान जिल्हाध्यक्ष संजयआप्पा काष्टे, शिवा कर्मचारी जिल्हाध्यक्ष राजकुमारआप्पा बोनकिले, जिल्हा सरचिटणीस मनिषआप्पा मखमले, जिल्हा उपाध्यक्ष गोपालआप्पा महाजन, ज्येष्ठ मार्गदर्शक किशोरआप्पा पेंढारकर, चंद्रकांतआप्पा खेलुरकर, नंदकिशोरआप्पा देशमुख, अशोकआप्पा वनगे, श्यामआप्पा बास्टेवार, शिवा मावळे, कैलासआप्पा संगेवार, महादेवआप्पा संगेवर, विशालआप्पा कोष्टी आदी पदाधिकारी उपस्थित होते. हे काम लवकरात लवकर सुरू व्हावे यासाठी शिवा संघटना व समाजबांधवांच्या सहभागातून जिल्हाधिकारी तथा मुख्याधिकाऱ्यांना निवेदन देण्याबाबत निर्णय घेण्यात आला.
-----------
निधी उपलब्ध होऊनही काम थांबले
महात्मा बसवेश्वर चौकाच्या सौंदर्यीकरणाचा मुद्दा शिवा संघटनेने सातत्याने उचलून धरल्यानंतर व या कामाच्या निधी उपलब्धतेसाठी खासदार भावना गवळी यांना निवेदन दिल्यानंतर भावना गवळी यांनी या कामासाठी निधी उपलब्ध करून दिला होता. या कामाच्या निविदेची सर्व कार्यवाही पूर्ण झाल्यानंतरही गेल्या अनेक महिन्यांपासून काम सुरू न झाल्याने शिवा संघटना तसेच समाजबांधवांमध्ये रोष व्यक्त केला जात आहे.