व्यवसाय सुरू करण्याची परवानगी देण्याची मागणी

निवेदनात म्हटले आहे की मागील पंधरा महिन्यांपासून कोरोना संसर्गाचा प्रकोप सुरू असून, वेळोवेळी लावण्यात आलेल्या 'लॉकडाऊन' व कडक निर्बंधापासून काही दुकाने वगळता अन्य व्यापाऱ्यांची दुकाने बंद आहेत. विद्युत उपकरणांची आवश्यकता भासते, नळ, पाइपलाइन इत्यादी प्लंबिंगच्या समस्या निर्माण होतात, केशकर्तन आवश्यक आहे. ऑनलाइन शिक्षण, परीक्षा चालू आहे. विद्यार्थ्यांना शैक्षणिक साहित्य आवश्यक आहे. सर्व शासकीय, निमशासकीय कार्यालयांना छापील रेकॉर्ड, स्टेशनरी आवश्यक आहे. शेतकऱ्यांना पीककर्जासाठी कागदपत्रांच्या झेरॉक्स व विद्यार्थ्यांना झेरॉक्स, बॅक लोनसाठी अनेक कागदपत्रांची झेरॉक्स आवश्यक असते. अशा शेकडो बाबी रोजच्या जीवनाशी निगडित आहेत. याचीच दुसरी बाजू म्हणजे जनरल स्टोअर्स, प्रिंटिंग प्रेस, इलेक्ट्रिकल, इलेक्ट्रॉनिक्स, कटलरी, कटिंग सलून , हॉटेल्स, चायटपरी, पानपट्टी, सराफा, कापड दुकान, रेडिमेड, टेलर, धोबी, अशा शेकडो व्यवसायांवर शासनाने कडक निर्बंधाचे हत्यार उपसले आहे. शासनाने व्हॅक्सिन, चाचण्या, गर्दीवर नियंत्रण, कडक निबंध यावर लक्ष केंद्रित करून सर्व व्यवसाय करण्यास कडक निर्बंधासह परवानगी द्यावी, अशी मागणी करण्यात आली आहे.