शिरपूर येथील नागरिकांना आडोळ प्रकल्पातून पाणीपुरवठा केला जातो. आडोळ प्रकल्पावरील पाणीपुरवठा योजनेच्या मोटर पंपाचे ३९ लाख १८ हजार तसेच जलशुद्धीकरण केंद्राचे १० लाख ०२ हजार असे ४९ लाख २० हजार रुपये वीजदेयक ग्रामपंचायतकडे थकीत आहे. हे देयक राज्य सरकार भरणार असल्याचे विचाराधीन आहे,. मात्र एप्रिल ते सप्टेंबर या काळातील ७ लाख ८० हजार हे वीज देयक भरणे अनिवार्य आहे. हे देयक अदा न केल्यामुळे महावितरण कंपनीने पाणीपुरवठा योजनेचा वीजपुरवठा खंडित केला आहे. पाणीपुरवठा योजनेचा वीजपुरवठा पुन्हा सुरळीत करण्यासाठी काही प्रमाणात तरी देयक भरणे गरजेचे झाले आहे. त्यातच येथील नागरिकांकडे ७० लाख रुपये पाणीपट्टी तसेच १ कोटी ९० लाख रुपये घरपट्टी कर थकीत झाल्याने ग्रामपंचायतसमोर मोठी आर्थिक अडचण निर्माण झाली आहे. त्यामुळे ग्रामपंचायतच्या वतीने वीजपुरवठा पूर्ववत करण्यासाठी लोकांना विविध स्वरूपातील ग्रामपंचायतच्या थकित कर भरण्याचे आवाहन विविध व्हॉट्सॲप ग्रुपचा माध्यमातून करण्यात आले करण्यात आले आहे.
०००००००००
कोट: ३१ मार्चपर्यंत शिरपूर ग्रामपंचायतकडे पाणीपुरवठा योजनेच ३९ लाख १८ हजार रुपयांचे देयक थकीत आहे. तसेच शिरपूर येथील जलशुद्धीकरण केंद्राचे १० लाख २ हजार रुपये थकीत आहे. ३१ मार्चपर्यंतची थकबाकी शासनाकडून भरण्याचे विचाराधीन आहे. मात्र एप्रिल ते सप्टेंबरपर्यंत पाणीपुरवठा व शुद्धीकरण केंद्राचे ७ लाख ८० हजार रुपये थकल्याने वीजपुरवठा कापण्यात आला आहे.
- अनिल जीवनाणी
उपविभागीय अभियंता, महावितरण, मालेगाव
००००००००००