गुणवंत खेळाडूंसाठी पेन्शन योजना

ऑलिम्पिक, कॉमनवेल्थ गेम्स, एशियन गेम्स आणि ऑलिम्पिक गेम्समध्ये विश्वचषक स्पर्धेतील विशिष्ट उत्कृष्ट कामगिरी केलेल्या खेळाडूंना प्रामुख्याने मदत करणे, हा या योजनेचा हेतू आहे. या योजनेच्या निकष क्र. ६ अन्वये सदर योजनेसाठी अर्जदार खेळाडू हा भारताचा रहिवासी असावा व त्याने ऑलिम्पिक, पॅराऑलिम्पिक गेम्स, कॉमनवेल्थ गेम्स, एशियन गेम्स व वर्ल्ड कप (ऑलिम्पिक व एशियन गेम्स स्पर्धेत समाविष्ट खेळप्रकार) या स्पर्धेत सुवर्ण, रौप्य व कांस्य पदक प्राप्त केलेले असावे. या स्पर्धेतील प्राविण्यप्राप्त, गुणवंत खेळाडूस मासिक मानधन देण्याची तरतूद केली आहे. तसेच पेन्शन ३० वर्षांपासून (किंवा सक्रिय क्रीडापासून सेवानिवृत्तीची तारीख, जे नंतर असेल) मिळणाऱ्या खेळाडूवर देय असेल आणि खेळाडूच्या आयुष्यादरम्यान कायम राहील. परंतु अशी पेन्शन लागू करताना खेळाडू सक्रिय क्रीडा करियरमधून निवृत्त झाले असतील. दर चार वर्षांनी आयोजित होणाऱ्या विश्वचषक, विश्व अजिंक्यपद स्पर्धांकरिता सदरची योजना लागू राहील. याबाबत संबंधित पात्र खेळाडूंनी आवश्यक त्या कागदपत्रांसह प्रस्ताव केंद्र शासनास सादर करावयाचा असून, विहित नमुन्यातील अर्जावर संबंधित खेळाच्या राष्ट्रीय खेळ संघटनेचे अध्यक्ष तथा सचिव यांची स्वाक्षरी किंवा उपसचिव तथा आयुक्त, क्रीडा व युवक सेवा यांचे स्वाक्षरीसह प्रस्ताव सादर करावा, असे आवाहन करण्यात आले आहे.