-----------
सर्दी, खोकल्याच्या रुग्णांची तपासणी
वाशिम : सर्दी, खोकला, ताप आदी आजार असलेल्या रुग्णांवर वेळीच उपचार व्हावेत म्हणून वाशिम तालुका आरोग्य विभागाने मोहीम सुरू केली आहे. या अंतर्गत ग्रामीण भागांत अनेक रुग्णांची तपासणी शनिवारी करण्यात आली.
------------
आरोग्यविषयक माहितीचे संकलन
वाशिम : ग्रामीण भागात कोरोना विषाणूचा संसर्ग होऊ नये यासाठी सहकार्य करण्यासाठी सरपंचांच्या अध्यक्षतेखाली ग्रामसमिती स्थापन करण्यात आली आहे. तालुक्यात या समितीकडून शुक्रवारी ग्रामस्थांच्या आरोग्याची माहिती घेण्यात आली.
------
फलोत्पादकांना नुकसानभरपाईची प्रतीक्षा
वाशिम : गतवर्षी ३१ मार्च ते १ एप्रिलदरम्यानच्या अवकाळी पावसामुळे जिल्ह्यात फळबागांसह पिकांचे नुकसान अतोनात झाले; मात्र नुकसानग्रस्त भागाचे पंचनामे होऊनही शेतकरी मदतीपासून वंचित राहिले. याची दखल घेण्याची मागणी आहे.
-----
पोहरादेवी मंदिर परिसरात शुकशुकाट
पोहरादेवी : कोरोना विषाणू संसर्गामुळे प्रार्थनास्थळे बंद ठेवण्याचे आदेश आहे. त्यामुळे भाविक मंदिरांकडे येत नसल्याने पोहरादेवी मंदिर परिसरात सकाळ व सायंकाळची वेळ सोडल्यास दिवसभर शुकशुकाट राहत आहे.
-----
प्रशासनाच्या निर्बंधांचे कठोर पालन
पोहा : राज्यात आढळत असलेले डेल्टा प्लसचे रुग्ण लक्षात घेता अपवादवगळता शनिवार, रविवारसाठी जिल्ह्यात निर्बंध लावण्यात आले आहेत. या निर्बंधांचे कठाेर पालन होेत असल्याचे चित्र दर आठवड्याला पहायला मिळत आहे.
^^^^^^^^
अवैध दारूविक्री अड्ड्यांवर पोलिसांची कारवाई
वाशिम : तालुक्यातील खेडेगावांत अवैध दारूविक्री करणाऱ्यांवर ग्रामीण पोलिसांनी १२ आणि १३ ऑगस्ट रोजी कारवाई केली. अवैधरीत्या दारूविक्री करीत असल्याचे पोलिसांना कळताच पोलिसांनी विविध ठिकाणी छापा टाकत दारू जप्त केली.