..........
बाजारपेठेतील गर्दी टाळण्याचे आवाहन
वाशिम : कोरोना विषाणू संसर्गाचे संकट पूर्वीच्या तुलनेत आता बहुतांशी निवळले आहे. दैनंदिन आढळणारी रुग्णसंख्याही कमी झाली आहे; मात्र नागरिकांनी गाफील न राहता स्वत:ची काळजी घ्यावी. बाजारपेठेत अनावश्यक गर्दी करू नये, असे आवाहन प्रशासनाकडून करण्यात आले आहे.
............
कोरोना चाचण्यांचे प्रमाण घटले
वाशिम : गेल्या काही दिवसांपासून आरटीपीसीआर, ॲन्टिजन चाचण्यांचे प्रमाण घटल्याचे दिसून येत आहे. काेरोना विषाणूचा संसर्ग बहुतांशी नियंत्रणात आल्याने आणि लसीकरणाचे प्रमाण वाढल्याने चाचण्यांचे प्रमाण कमी झाल्याची माहिती सूत्रांनी दिली.
..............
गुटखा पुड्यांच्या विक्रीवर निर्बंध
वाशिम : मध्यंतरी पोलीस विभागाने गुटखा विक्रेत्यांवर धडक कारवाई करून लाखो रुपयांचा गुटखा जप्त केला. या कारवायांमुळे पानटपऱ्यांवर गुटखा विक्री करणाऱ्यांचे धाबे दणाणले असून, पुड्यांच्या विक्रीवर बहुतांशी निर्बंध आले आहेत. असे असले तरी छुप्या पद्धतीने आजही हा प्रकार काही ठिकाणी घडत असल्याचेही दिसत आहे.
...............
अवैध प्रवासी वाहतूक जोमात
वाशिम : वाशिम-कनेरगाव, वाशिम-अनसिंग, वाशिम-रिसोड आदी मार्गांवर अवैध प्रवासी वाहतूक मोठ्या प्रमाणात सुरू आहे. क्षमतेपेक्षा अधिक प्रवासी वाहनांमध्ये कोंबून वाहतूक केली जात असून, पोलिसांनी याकडे लक्ष द्यावे, अशी मागणी जोर धरत आहे.