०००००००
मोफत प्रवेश प्रक्रियेची प्रतीक्षा
वाशिम : पहिल्या लॉटरी पद्धतीत जिल्ह्यात ६०० पेक्षा अधिक बालकांची मोफत प्रवेशासाठी निवड झालेली आहे. मात्र, कोरोनामुळे कागदपत्रांची पडताळणी व प्रवेश प्रक्रिया थांबविण्यात आली आहे. प्रवेश प्रक्रिया सुरू केव्हा होणार? याकडे पालकांचे लक्ष लागून आहे.
००००००
लक्षणे असल्यास चाचणी करण्याचा सल्ला
वाशिम : जिल्ह्यात कोरोना चाचण्या वाढविण्यावर भर दिला जात असून, सर्दी, ताप किंवा खोकला आदी लक्षणे असल्यास वेळ न दडविता तातडीने कोरोना चाचणी करावी, असा सल्ला जिल्हा शल्यचिकित्सक डॉ. मधुकर राठोड यांनी ११ मे रोजी दिला.
००००००
नियम न पाळणाऱ्या ४३ जणांवर कारवाई
वाशिम : वाहतुकीचे नियम न पाळणाऱ्या ४३ जणांवर गत दोन दिवसांत मालेगाव पोलिसांनी दंडात्मक कारवाई केली आहे. वाहनचालकांनी वाहतुकीचे नियम पाळावेत, असे आवाहन पोलीस प्रशासनाने केले.