गावपातळीवर कोरोना संसर्गाला लगाम घालण्यासाठी जिल्हा प्रशासनाने आपत्ती व्यवस्थापन समितीला विशेष अधिकार दिले आहेत. त्या अनुषंगाने गावात विनामास्क फिरणाऱ्या ४ व्यक्ती, बंदच्या काळात सुरू असलेली ४ दुकाने तथा एका ठिकाणी विनापरवानगी साखरपुडा कार्यक्रमात गर्दी आढळून आल्याने ग्रामविकास अधिकारी जयकिसन आडे यांनी नियमांचे उल्लंघन केल्याप्रकरणी प्रतिबंधात्मक कारवाई करून १ हजार १०० रुपयांचा दंड वसूल केला.
यावेळी ग्रा.पं. कर्मचारी गजानन वानखडे यांनी सहकार्य केले.
--------------
३५ लोकांची चाचणी
उंबर्डा बाजार: गेल्या काही दिवसांत गावात आढळून आलेल्या कोरोना बाधितांच्या संपर्कातील व्यक्तींची माहती घेत त्यांची कोरोना चाचणी आरोग्य विभागाने सुरू केली आहे. यात शुक्रवारपर्यंत ३५ जणांची चाचणी करण्यात आली.
------------------
येवता येथे ग्रामस्थांना मार्गदर्शन
उंबर्डा बाजार: येथून जवळच असलेल्या येवता बंदी येथे कोरोना संसर्गाच्या पार्श्वभूमीवर नियमांचे पालन करण्याबाबत आरोग्य विभागाच्या पथकाने शुक्रवारी ग्रामस्थांना मार्गदर्शन केले. यावेळी नियमांचे पालन करण्यात आले.